મારી અંદર ક્યાંક – કોઈક ખૂણે
આજે પણ એક ભીની રાત જીવે છે.
એકાંતમાં – લપાઈ – છુપાઈને
એની સુંવાળપને અડકું,
ત્યારે
સાપની ચામડીને અડક્યા જેવો
ભયનો ધ્રાસકો પડે છે.
.
એની તેજાબી ભીનાશની છાલક
મારી આંખમાં ન ઊડે,
એનો ડર
મને સતત સતાવે છે…
.
રેતીના નગરમાં
વગર સિંચ્યે
સંવેદનાઓની વેલ વધતી જ જાય છે
પણ હવે, જડમૂળથી ઉખાડીને ફેંકી દેવી
છે,
એ રાતને….
.
મૃગજળના કુંજાને
હું – તમે કે બીજું કોઈ પણ,
ક્યાં લગી સાચવે ?
.
( કાજલ ઓઝા વૈદ્ય )
સુંદર.
સુંદર.
ખૂબ મજાની સંવેદનથી ભરી ભરી રચના..!!
ખૂબ મજાની સંવેદનથી ભરી ભરી રચના..!!