જળ નથી વાદળ નથી પણ વૃષ્ટિ છે અવકાશમાં
મેં ઘૂંટે ઘૂંટે પીધી એ મસ્તી છે અવકાશમાં
.
સાવ ખાલીખમ બધું ને તોય તે લાગે સભર
નક્કી અદ્દભૂત ને અલૌકીક સૃષ્ટિ છે અવકાશમાં
.
મેં સુરા આકંઠ પીધી ને પછી છોડી દીધી
કે નશાની પણ વધારે તૃપ્તિ છે અવકાશમાં
.
રામ આવ્યા, બુદ્ધ પણ આવ્યા અને ચાલ્યા ગયા
છે પગેરાંનો ઈશારો હસ્તી છે અવકાશમાં
.
દ્રશ્ય દ્રષ્ટા સર્વે ઓગળીને એકમાં
થાય એકાકાર એવી શક્તિ છે અવકાશમાં
.
છે નમન એને જે કાયાનેય ઓળંગી ગયા
પગ ધરા પર છે ને જેની દ્રષ્ટિ છે અવકાશમાં
.
( મધુમતિ મહેતા )