કશું કંઈ બદલવું નથી, ટેક લઈએ
સમય બ્રેકનો છે, જરા બ્રેક લઈએ !
.
સમુંદર ઉપરના ગણી મોજ થાક્યા
અને મોતિયા બેઉ આંખોના પાક્યા;
હવે તટની રેતીમાં જઈ શેક લઈએ
સમય બ્રેકનો છે, જરા બ્રેક લઈએ !
.
બધા માર્ગ અધવચ્ચે અટકી જવાના
મુસાફર થઈ વ્યગ્ર ભટકી જવાના
સફર કો’ સમય પારની છેક લઈએ
સમય બ્રેકનો છે, જરા બ્રેક લઈએ !
.
જુઓ, સૂર્ય ડૂબવાની વેળા નિકટ છે,
નયનસમ્ય કેસરિયો આકાશી પટ છે
ઈસુ સંગ વાળુ કરી કેક લઈએ
સમય બ્રેકનો છે, જરા બ્રેક લઈએ !
.
કયામતમાં એ ક્યાં ઈર્શાદ બોલે
શબદના તરાજુએ આપણને તોલે
જત વેળ સાથે ગઝલ બે’ક લઈએ
સમય બ્રેકનો છે, જરા રેક લઈએ !
. ( હરકિસન જોષી )