હોય છે હા હોય છે !-દિવ્યા સોની “દિવ્યતા“

હોય છે હા હોય છે !
આવા પણ માણસો હોય છે
તમે બે- બે ની ચાર કરો
એ ત્રીજા પર મરતા હોય છે !
હોય છે હા હોય છે
આવા પણ ફાનસો હોય છે
આ દુનિયાને ઝગમગ  કરવા
ખુદ અંદરથી બળતા હોય છે.
હોય છે હા, હોય છે
આવા પણ ચાહકો હોય છે
ચુપચાપ રહે ભલે જગ સામે
એ સ્વપ્નોમાં મળતા હોય છે !
હોય છે હા હોય છે
આવા પણ બાળકો હોય છે
એમની કાલી ઘેલી સાચી વાતોથી
એ આખા ઘરને ઘડતા હોય છે.
હોય છે હા હોય છે
આવા પણ તારકો હોય  છે
જીવનની પ્રશ્ન સુનામીના
એ જવાબો વળતા હોય છે !
( દિવ્યા સોની “દિવ્યતા“ )

Leave a Reply

Your email address will not be published. Required fields are marked *