વર્ષો પછી રે કહાન જોયા ફરી
આજ મારી આંખડી ઠરી
ખોવાયેલ નથ મારા હાથમાં ધરી
કહાન આજ મલક્યા જરી
.
એ જ એનું નટખટતું રૂપ
ને એ જ એનાં મસ્તી તોફાન
વાંસળીનાં સૂર એણે એવા છેડ્યા
હું તો ભૂલી ગઈ રે ભાનસાન
આમ તેમ દોડ્યા કરું હું તો બ્હાવરી
વર્ષો પછી રે કહાન જોયા ફરી…
.
એ જ વૃંદાવન વાટ ને જમુનાનો ઘાટ
એ જ એ તો માખણનો ચોર
કરવા ન દે કોઈ ઘરના રે કામ
વસે મનડામાં આઠે પહેર
સપનામાં કહાન આ જ આવ્યા ફરી…
ખોવાયેલ નથ મારા હાથમાં ધરી…
ને કહાન આજ મલક્યા જરી
આજ મારી આંખડી ઠરી.
.
( મેઘબિન્દુ )