વાતો વણી વણીને કોઈ છેતરી ગયા,

જુઠ્ઠું ભણી ભણીને કોઈ છેતરી ગયા.

ઊભા કરીને ભેદ જુઓ ઊંચનીચના,

ભીંતો ચણીચણીને કોઈ છેતરી ગયા.

મરહમ રૂપે નમક એ સદા છાંટતા રહ્યાં,

જખ્મો ખણીખણીને કોઈ છેતરી ગયા.

મતલબ પૂરો થતાં જ એ વેરી બની ગયા,

નીજનો ગણી ગણીને કોઈ છેતરી ગયા.

મૃગલાનું રૂપ લઈ અને સીતાહરણ થયું,

જગના રણીધણીને કોઈ છેતરી ગયા.

મોતીની જેમ પ્રેમનું ‘હમદમ’ જતન કર્યું,

એ પણ ચળી ચળીને કોઈ છેતરી ગયા.

( તુરાબ હમદમ )