છોકરીનો હસ્ત અંધકારનો બનેલો છે

એને હું કેમ પકડું ?

છેદાયેલા મસ્તકોની જેમ લટકે છે શેરીના દીવા

અમારી વચ્ચેના ભયાવહ દ્વારને ઉઘાડે છે રક્ત

દેશનું વકાસેલું મોં ભીંસાય છે વેદનાથી

દેહ કણસે છે કંટક-શૈયા પર

આ છોકરી પાસે છે માત્ર બળાત્કાર થયેલું શરીર

જેના વડે હું તેની સમીપે પહોંચી શકું

મારા અપરાધભાવનો ભાર રોકી નથી શકતો

એને આશ્લેષમાં લેવાની મારી ઈચ્છાને

( જયંત મહાપાત્ર, અનુ : ઉદયન ઠક્કર )

મૂળ ભાષા : અંગ્રેજી