Tag Archive | આહમદ મકરાણી

ગુલ્ફામ આવે છે

જીવનમાં તો ઘણા એવા સરસ મુકામ આવે છે;

અમે કરતા નથી કૈં પણ અમારું નામ આવે છે.

.

અમે તો એટલા માટે વિગતને સાચવી બેઠા;

ઘરે હો સંઘરેલો સાપ તો એ કામ આવે છે.

.

‘નથી પીતો’, ‘નહીં પીઉં’, હકીકત કોણ સમજાવે ?

છતાં સાકીના હાથે કાં ભરેલા જામ આવે છે ?

.

ડરો ના મોતથી હરદમ, ખરેખર આવશે નક્કી;

ખુદાના હાથથી મળતું સહજ ઈનામ આવે છે.

.

ન છેડો કોઈ પણ એને, જવા દો એકલો એને;

બળેલું દિલ લઈને કોઈ એ ગુલ્ફામ આવે છે.

.

( અહમદ મકરાણી )

કોણ છે?

હું સતત મરતો રહ્યો, જીવે તે કોણ છે?
આ હવાના વસ્ત્રને સીવે તે કોણ છે?

www.heenaparekh.com

પુષ્પ થૈને વૃક્ષડાળે હું ખીલી રહું;
મૂળભીનાં જળ સતત પીએ તે કોણ છે?

www.heenaparekh.com

હું મને પણ આયનામાં જોઈ ના શકું;
આંખની પાછળ રહી જુએ તે કોણ છે?

www.heenaparekh.com

હું પણછ ને હું જ પંખી, ડાળ છું અહીં;
બાણ થૈને લક્ષ્યને વીંધે તે કોણ છે?

www.heenaparekh.com

જિંદગી છે એક માયાવી હરણ સમી-
તર્જનીના ટેરવે ચીંધે તે કોણ છે?

www.heenaparekh.com

(આહમદ મકરાણી)

માણસો મરજી પ્રમાણે

માણસો મરજી પ્રમાણે અર્થ કરતા થઈ જશે,

શક્ય છે ઈશ્વર વિષેના એ ખુલાસા થઈ જશે.

વહેમ થોડો, પ્રેમ જેવું કંઈ અપેક્ષા થઈ જશે,

બહાર તો નીકળો ઘણા એનાય રસ્તા થઈ જશે.

આપણે ભૂલી જવાની વાત કહી છૂટા પડ્યા,

આપણે છૂટા પડ્યાની વાત ભ્રમણા થઈ જશે.

બંધ હોઠો ક્યાં સુધી કહેશે નહીં દિલની વ્યથા,

જાગવાથી આંખને ફરતે કુંડાળા થઈ જશે.

છું હશુંની વાત જેવી વાત કહેવી ઠીક છે,

હા, હતાનો ખ્યાલ પણ લોકો વિસરતા થઈ જશે.

( કૈલાસ પંડિત )