હજીયે ન જાગે મારો આતમરામ!
મારો આતમરામ!
સમુંદર ઘૂઘવે છે દૂર, વાયુ સૂસવે ગાંડોતૂર,
સમજું ન ભરતી કે આ તે આવે છે તુફાન!
આ તે આવે છે તુફાન!
હજીયે ન જાગે મારો આતમરામ!
મારો આતમરામ!
સઢ સંધા ફડફડે, દોર ધીંગા કડકડે
હાજર સૌ ટંડેલ એક આ સૂનાં છે સુકાન!
મારાં સૂનાં છે સુકાન!
હજીયે ન જાગે મારો આતમરામ!
મારો આતમરામ!
વહાણ રાખું નાંગરેલું, વેપાર શી રીતે ખેડું?
સવાયા થાશે કે જાશે મૂળગાય દામ!
મારા મૂળગાય દામ!
હજીયે ન જાગે મારો આતમરામ!
મારો આતમરામ!
હવે તો થાય છે મોડું વીનવું હું પાયે પડું,
મારે તો થાવા બેઠો છે ફેરો આ નકામ!
મારો ફેરો આ નકામ!
જાગો જી જાગો મારા આતમરામ!
વહાલા આતમરામ!
( રામનારાયણ વિશ્વનાથ પાઠક ‘શેષ’ )
હીનાજી,એકસરખા બે બ્લોગ શા માટે ?
http://parekhheena.blogspot.com & http://parekhheena.wordpress.com
આપની મરજી,
પણ શું એથી ડબલ મહેનત નથી પડતી ?
જે હોય તે. બ્લોગમાં નવી નવી પોસ્ટ આપતાં રહેજો.
NICE .