એ સકલના

એ સકલના તેજથી તપતી હશે;
ક્યાંક ધૂણી આજ પણ ધખતી હશે.

કોઈ જે આંખો તમસને તોડતી;
એ તમસના ઘાટ ખુદ ઘડતી હશે.

વૈખરી ક્યાં શબ્દમાં? ક્યાં અર્થમાં?
બેઉની વચ્ચેય શું સરતી હશે?

કોણ ઊભું ત્યાં મલયનું પાત્ર લઈ?
કઈ દિશા એ પાત્રને ભરતી હશે?

શક્ય છે ત્યારે ક્ષણો નિષ્કંપ હો;
શક્ય છે કે રાસ પણ રમતી હશે.

( જાતુષ જોશી )

2 thoughts on “એ સકલના”

very very fine
શક્ય છે ત્યારે ક્ષણો નિષ્કંપ હો;
શક્ય છે કે રાસ પણ રમતી હશે.

( જાતુષ જોશી

Heenaben,
Happy anniversary to you,and more success on your way.
I like these lines best.
કોઈ જે આંખો તમસને તોડતી;
એ તમસના ઘાટ ખુદ ઘડતી હશે.
Sapana

मोरपींछ