ફરતી કાંટાળી વાડ કરે,
સગપણ આવાં પણ લાડ કરે.
.
બાળક જેવું આ સૂનું મન,
સાંઠકડી રોપી ઝાડ કરે.
.
ક્યારેક નરી આ એકલતા,
ટોળાં જેવી રંજાડ કરે.
.
તું ફૂલ હશે ભૂલી જઉં છું,
ઝરણાં વ્હેતાં તો પહાડ કરે.
.
મિસ્કીન ઊંચાઈ માપ નહીં,
શું બાવળ કે શું તાડ કરે.
.
( રાજેશ વ્યાસ ‘મિસ્કીન’ )
સુંદર ગઝલ! પહેલો, ત્રીજો અને છેલ્લો શેર બહુ સરસ થયા છે.
સુંદર ગઝલ! પહેલો, ત્રીજો અને છેલ્લો શેર બહુ સરસ થયા છે.
ટૂંકી બહેરની સુંદર ગઝલ…
ગાગા ના આવર્તનો સુંદર લાગે છે…
ટૂંકી બહેરની સુંદર ગઝલ…
ગાગા ના આવર્તનો સુંદર લાગે છે…