બધી ઈચ્છાઓ ઠારીને હજી હમણાં બેઠો છું,
ફકીરી વેશ ધારીને હજી હમણાં જ બેઠો છું.
.
મને અંધારમાં જોઈ તમે આશ્ચર્ય ના પામો,
સૂરજનો રથ ઉતારીને હજી હમણાં જ બેઠો છું..
.
ઉમળકાભેર સ્વાગત થાય એનું આંગણે તેથી,
હું ઘર-ઊંબર સંવારીને હજી હમણાં જ બેઠો છું.
.
હવે ધાર્યા મુજબ આઘાત-પ્રત્યાઘાત નૈં આવે,
સમજશક્તિ વધારીને હજી હમણાં જ બેઠો છું.
.
ઉદાસી આવી મારા ઘર સુધી પાછી વળી જાશે,
મનોમન એ વિચારીને હજી હમણાં જ બેઠો છું.
.
ખુશી આજે નહીં તો કાલે ચોક્ક્સ આવશે ‘નાદાન’
હું બાંહો પસારીને હજી હમણાં જ બેઠો છું.
.
( દિનેશ ડોંગરે “નાદાન” )
શ્રી દિનેશજીની સરસ ગઝલ માણવા મળી-અભિનંદન.
હીનાબેન,ગઝલની પ્રથમ પંક્તિમાં રદિફમાં,-જ-ટાઇપ કરવાનો રહી ગયો છે-સુધારી લેશો.
શ્રી દિનેશજીની સરસ ગઝલ માણવા મળી-અભિનંદન.
હીનાબેન,ગઝલની પ્રથમ પંક્તિમાં રદિફમાં,-જ-ટાઇપ કરવાનો રહી ગયો છે-સુધારી લેશો.