જેટલું કોઈ ગરજતું હોય છે,
એટલું ક્યાં એ વરસતું હોય છે.
.
કો’ક દિ આવી ચડે કોઈ સ્મરણ,
કેટલી પીડા સરજતું હોય છે.
.
એક પરપોટો હતો ફૂટી ગયો,
કોઈનું ક્યાં કંઈ ઉપજતું હોય છે.
.
જીવ નાદાની કરી લે છે કદી,
મન બધી વાતે સમજતું હોય છે.
.
આયનો એકીટશે જોયા કરે,
જો કોઈ શણગાર સજતું હોય છે.
.
આમ ઊગી નીકળી ‘હમદમ’ ગઝલ
શબ્દનું કેવું ઉપજતું હોય છે.
.
( તુરાબ હમદમ )
સરસ ગઝલ.
આ વાંચતા જ બીજી એક ગઝલ યાદ આવી ગઈ.
http://urmisaagar.com/saagar/?p=370
મનને સમજાવો નહીં કે મન સમજતું હોય છે,
સરસ ગઝલ.
આ વાંચતા જ બીજી એક ગઝલ યાદ આવી ગઈ.
http://urmisaagar.com/saagar/?p=370
મનને સમજાવો નહીં કે મન સમજતું હોય છે,