મને ન શોધો ડોટ-કોમમાં;
હું છું કેવળ હરિઓમમાં.
.
પોથી, પુસ્તક, માળા ફોગટ;
રામનામ છે રોમ-રોમમાં.
.
કુંડળીમાંથી છલાંગ મારું;
પકડાઉં ના શુક્ર-સોમમાં.
.
માટીમાં છે મૂળિયાં મારાં;
વ્યક્ત કદી ના થાઉં વ્યોમમાં.
.
કુંડ, અગ્નિ ને ઋત્વિક હું છું,
હું હોમાઉં હવન-હોમમાં.
.
કફન ખસ્યું તો ફૂલ નીકળ્યા;
કબીર ક્યાં છે કોઈ કોમમાં ?
.
( ભગવતીકુમાર શર્મા )
મુ.શ્રી ભગવતીકુમારજીની ટૂંકી બહરની વધુ એક સુંદર,નજાકતપૂર્ણ અને સશક્ત અભિવ્યક્તિ-
અંતિમ શેરની ચોટ તમતમી ઊઠે એવી અસરકારક રહી.
સલામ દાદા…!
મુ.શ્રી ભગવતીકુમારજીની ટૂંકી બહરની વધુ એક સુંદર,નજાકતપૂર્ણ અને સશક્ત અભિવ્યક્તિ-
અંતિમ શેરની ચોટ તમતમી ઊઠે એવી અસરકારક રહી.
સલામ દાદા…!
ખુબજ સરસ
કફન ખસ્યું તો ફૂલ નીકળિયા
વાહ
ખુબજ સરસ
કફન ખસ્યું તો ફૂલ નીકળિયા
વાહ
સુંદર ગઝલ.
સુંદર ગઝલ.
wah!!!
Khub-j saras gazal…
wah!!!
Khub-j saras gazal…