બાવળના કાંટાને છાંયડે હું બેઠી
ને તોય મને લાગે છે ગુલછડીની લૂ;
વાલમનો સંદેશો લઈને પારેવડું
ઘૂઘવે છે ક્યારનું ઘેલું ઘેલું !
.
બળતા બપ્પોરનો તડકો ચીરે છે
એક તરસી તળાવડીનાં જંપેલાં નીર;
આડે પડખે પોઢ્યાં શમણાંને પજવે છે
કોની આ વાતનો વહેતો સમીર.
ક્યારની આ દેહમાંથી નીસરી હું બહાર
હવે તારે ઓશીકે અઢેલું !
.
અંધારું ભરખી જાય કોઈ એક આગિયો
કે સૂરજને શોષે આકાશ
આમ તો હું એકલી ને તોય મને લાગે છે
તું તો મારી ભીતર; ચોપાસ.
ચૂમતાં હું થાકું નહિ તારી ચબરખી
હું તો એકલી પૂનમનો રાસ ખેલું.
.
( ડો. ગુણવંત શાહ )
બસ ચબરખી ચૂમ્યા જ કરવાની કે જવાબ આપવાનો ય રીવાજ હોય???
બસ ચબરખી ચૂમ્યા જ કરવાની કે જવાબ આપવાનો ય રીવાજ હોય???