શ્વાસ છોડ્યા જિંદગી ચોમેર ચર્ચાતી થઈ
હું ‘બહુ સારો હતો’ એ વાત કહેવાતી થઈ
.
કોઈએ પૂછ્યું ઉનાળો કેમ છે એના વિના
ત્યારથી ગુલમ્હોરની આંખો બહુ રાતી થઈ
.
એય મારા પ્રેમમાં છે વાત આ પાકી થઈ
એમની અંગત સખી મારી ગઝલ ગાતી થઈ
.
રામ જેવો છું મને સુખદ પ્રતીતિ થાય છે
છોકરી મારા જ એંઠા બોર જ્યાં ખાતી થઈ
.
મધ કે મધથીય સુંદર સ્વાદ છે આ કાવ્યનો
શું તમે પણ ના સમજતાં ! આમ ગુજરાતી થઈ
.
( મુકેશ જોષી )
શું કહેવું? બે ત્રણ શેર તો – સુભાન અલ્લાહ…આભાર અમારી સાથે વહેંચવા માટે…
શું કહેવું? બે ત્રણ શેર તો – સુભાન અલ્લાહ…આભાર અમારી સાથે વહેંચવા માટે…