નયન આમ ન થાવ અધીરાં કૃષ્ણ બધુંય જાણે છે,
હ્રદય વાગતું કે મંજીરા કૃષ્ણ બધુંય જાણે છે.
.
આરસના મ્હેલોમાં રાણો સ્વયં થતો ખંડેર હશે,
ઠેઠ સુધી ના સમજાયું કે કોણે પીધું ઝેર હશે.
હસી પડીને બોલ્યાં મીરાં કૃષ્ણ બધુંય જાણે છે.
.
પાંચ પાંચ દીવાઓ તોય અંધારું રોકાયું નહીં,
મનમાં પડતાં ચીરા કોઈ ચંદન થઈ ડોકાયું નહીં.
પહેલાં પૂર્યાં ચીર કે ચીરા કૃષ્ણ બધુંય જાણે છે.
.
પાંજારાના નાદે કોઈ જાત ભૂલી પીંજાઈ ગયું,
ગોકુળિયું તો ઠીક આખું બરસાના ભીંજાઈ ગયું,
કેમ ઊડાડ્યા જાતના લીરા કૃષ્ણ બધુંય જાણે છે.
.
( મુકેશ જોષી )
.
[ બરસાના = રાધાનું ગામ ]
સંવેદનશીલ – અને હા ક્રિષ્ના ય બધું જાણે જ છે….
સંવેદનશીલ – અને હા ક્રિષ્ના ય બધું જાણે જ છે….
સંવેદનશીલ – અને હા ક્રિષ્ના ય બધું જાણે જ છે….
એ હકીકત છે કે નામ -સ્વરૂપ અલગ અલગ છે બાકી શ્રી કૃષણ / પરમાત્મા કે પોતાના ઇષ્ટ બધું જ જાણે છે.
એ હકીકત છે કે નામ -સ્વરૂપ અલગ અલગ છે બાકી શ્રી કૃષણ / પરમાત્મા કે પોતાના ઇષ્ટ બધું જ જાણે છે.