છે કઝા જીવનની તલાશમાં ને જીવન કઝાની તલાશમાં,
હું નવાઈ કેમ ન પામું કે છે હવા – હવાની તલાશમાં.
.
સહેલાઈથી પહોંચી જવાયે ઉજાસના ઘરે એટલે,
તમે જે દિશામાં વળી ગયાં – અમે એ દિશાની તલાશમાં.
.
તમે બંદગીમાં ડૂબી ગયાં – અમે મયકશીમાં ડૂબી ગયાં,
તમે પણ ખુદાની તલાશમાં – અમે પણ ખુદાની તલાશમાં.
.
નથી અમને ભૂલા પડ્યા તણો – હવે રંજ યા કોઈ વસવસો,
પહોંચી ગયા છીએ મંઝિલે અમે કાફલાની તલાશમાં.
.
અહીં ખુદના બિંબને ઝાલવાના પ્રયત્ન કરતાં મળ્યા સહુ,
અમે ખુદ વસંતને જોઈ છે અહીં ઝાંઝવાની તલાશમાં.
.
વીતે સામ-સામે જીવન છતાં નથી ઓળખી શક્યા જાતને,
સહુ આઈનામાં સમાઈને-રહ્યા આઈનાની તલાશમાં.
.
ભલે હોય સરખાં જખમ છતાં – છે ઈલાજ સાહિલ અલગ અલગ,
તમે છો દવાની તલાશમાં – ને અમે દુવાની તલાશમાં.
.
( સાહિલ )
જેમ અમે હતા અત્યાર સુધી તમારી તલાશમાં…
જેમ અમે હતા અત્યાર સુધી તમારી તલાશમાં…
જેમ અમે હતા અત્યાર સુધી તમારી તલાશમાં…
sundar gazal..love it.
sundar gazal..love it.
too good…
too good…
too good…