.
સુખની સાથે દુ:ખ તો જાણે હોવાનું તે હોવાનું છે
પોતાના પાલવથી આંસુ લ્હોવાનું તે લ્હોવાનું છે
.
શ્રદ્ધાથી મણકા ફેરવતાં થાકી ગઈ છે આંગળીઓ તે
ખાલી ફરતા છટકામાં મન ખોવાનું તે ખોવાનું છે
.
ડાઘો હોય ગુલાબી, રાતો કે જાંબુડિયા જલસા જેવો
પોતાનું પ્હેરણ તો ખુદને ધોવાનું તે ધોવાનું છે
.
સાવ જ ખાલી ઘર ભરવા અનરાધારે આવે છે એ પણ
ખાલી કેમ કરી કરવું એ જોવાનું તે જોવાનું છે
.
દરિયામાં રમતી માછલીયું જેવા સૌને લાગે છે પણ
મ્હેતાને માછલીયું જેવું રોવાનું તે રોવાનું છે
.
( મધુમતી મહેતા )
આવ્યા હતાં એકલા અને જવાનું પણ એકલા તો આ વચ્ચેનો સફર કાપવાનો પણ એકલા જ ને…તો દરેક વસ્તુ કરવી પણ જાતે જ પડવાની ને – એકલા. Nice One.
આવ્યા હતાં એકલા અને જવાનું પણ એકલા તો આ વચ્ચેનો સફર કાપવાનો પણ એકલા જ ને…તો દરેક વસ્તુ કરવી પણ જાતે જ પડવાની ને – એકલા. Nice One.
સ-રસ ! બધા શેર મજાના થયા છે….
સ-રસ ! બધા શેર મજાના થયા છે….
ગઝલના બધા જે શેરમાં જીવનની હકીકત નું યોગ્ય ધ્યાન દોરે છે અને ચેતવણી સાથે જાગ્રતતા આપે છે… ખૂબજ સુંદર !
ગઝલના બધા જે શેરમાં જીવનની હકીકત નું યોગ્ય ધ્યાન દોરે છે અને ચેતવણી સાથે જાગ્રતતા આપે છે… ખૂબજ સુંદર !