.
શ્વાસ પડે કે ઊપડે, એમ જ ગાડું ગબડે;
દ્વાર બિડાય કે ઊઘડે, એમ જ ગાડું ગબડે.
.
પડછાયો માણસને માણસ પડછાયાને
છોડી દે કે પકડે, એમ જ ગાડું ગબડે.
.
પ્રભાત ઊગે, સાંજ ઢળે ને ખીલે ચાંદની,
માણસ ખુદમાં સબડે, એમ જ ગાડું ગબડે.
.
સ્વપ્નો, ઈચ્છા, આશા-સઘળું વીખરાયેલું,
જીવું ટુકડે ટુકડે, એમ જ ગાડું ગબડે.
.
મિથ્યા દોષારોપણનો શો મહિમા કરવો ?
માણસ છે તો લથડે, એમ જ ગાડું ગબડે.
.
દીવાલોની વચ્ચે માણસ ઘેરાયો છે,
બારીઓ પણ કચડે, એમ જ ગાડું ગબડે.
.
નથી રણકતા હવે ઘૂઘરા સીમાડાએ,
ખેતરશેઢે વગડે, એમ જ ગાડું ગબડે.
.
( ભગવતીકુમાર શર્મા )
ગાડું ગબડે … ભગવતીકુમાર શર્મા ની ખૂબજ સુંદર મનનીય રચના ….ધન્યવાદ!
ગાડું ગબડે … ભગવતીકુમાર શર્મા ની ખૂબજ સુંદર મનનીય રચના ….ધન્યવાદ!
ગાડું ગબડે … ભગવતીકુમાર શર્મા ની ખૂબજ સુંદર મનનીય રચના ….ધન્યવાદ!
Nicely written
Nicely written