.
પૂછશો ના શી રીતે જીવાય છે.
શ્વાસ જેવા શ્વાસ હાંફી જાય છે.
.
તે છતાં પીંછાં સલામત છે હજી,
રોજ આ કાયા સતત પીંખાય છે.
.
જે તમે લખતા નહોતા પત્રમાં,
એ તમારી આંખમાં વંચાય છે !
.
હું હવે મોટા ગજાનો થઈ ગયો છું,
પીઠ પાછળ મારી વાતો થાય છે.
.
આ બધી તારીફ રહેવા દે હવે,
અમને શબ્દોની રમત સમજાય છે.
.
એ ભલે સંતાઈને આવે અહીં,
છેક ફળિયામાં સુગંધ ફેલાય છે.
.
બસ ખલીલ આ અશ્રુ લૂછી લો હવે,
ત્યાં કોઈની ઓઢણી ભીંજાય છે.
.
( ખલીલ ધનતેજવી )
ઘણી મજા પડી…ખલીલ માય ફેવરીટ પોએટ…
ઘણી મજા પડી…ખલીલ માય ફેવરીટ પોએટ…
જનાબ ખલીલસાહેબની ધારદાર અભિવ્યક્તિ….
જનાબ ખલીલસાહેબની ધારદાર અભિવ્યક્તિ….
હિનાબેન,
ખલીલજી ની ખૂબજ અસરકારક રજૂઆત સાથેની સુંદર રચના!
હિનાબેન,
ખલીલજી ની ખૂબજ અસરકારક રજૂઆત સાથેની સુંદર રચના!
પત્રમાંય વંચાય છે એ ઘણું ય…
પત્રમાંય વંચાય છે એ ઘણું ય…
પત્રમાંય વંચાય છે એ ઘણું ય…