.
અંદરના અજવાળે લખજે
સંત કબીરની સાળે લખજે
.
ઊભી વાટે આડા ડુંગર
દાવાનળની ફાળે લખજે
.
મેઘ અષાઢી ઘાસ શરદનાં
ટેકરીઓના ઢાળે લખજે
.
સોળ વર્ષની વાત લખે તો
ગુલમોરોની ડાળે લખજે
.
સ્મિત ઝિલાયાં છીપ વચાળે
યાદોનાં પરવાળે લખજે
.
કંકુચોખા ગોરજ વેળા
ફૂલેલા ગરમાળે લખજે
.
તાપ તરસ ને આગ લોહીમાં
કોણ રોજ આ બાળે લખજે
.
ટળવળતી ઈચ્છાની વાતો
પંખીઓના માળે લખજે
.
ભૂખ્યો પોપટ તરસ્યો પોપટ
ભર્યાં સરોવર પાળે લખજે
.
મૂલ્ય વગરના મોજ કરે છે
કળિકાળના કાળે લખજે
.
( મણીલાલ હ. પટેલ )
સુંદર રચના !
સુંદર રચના !