.
જળાશયમાં તરે ઉંબર, કહો તો બારણાં ખોલું !
નિહાળ્યું સ્વપ્નમાં સરવર, કહો તો બારણાં ખોલું !
.
ઘણાંયે પૂજવા મંદિર ગયા છે એ ખબર જાણી,
અહીં આવી ચડ્યા ઈશ્વર, કહો તો બારણાં ખોલું !
.
હવાનો હાથ ઝાલીને સુગંધી ફૂલ પણ આવ્યાં,
થયો છે આંગણે અવસર, કહો તો બારણાં ખોલું !
.
અહો આશ્ચર્યથી લોકો કરે છે વાત ફળિયામાં,
થવાનું છે કશું નવતર, કહો તો બારણાં ખોલું !
.
હૃદયથી પ્રાર્થના કરતાં, ફળી છે તત્ક્ષણે ‘મરમી’,
પુરાવાઓ મળે નક્કર, કહો તો બારણાં ખોલું !
.
( મહેન્દ્રસિંહ પઢિયાર ‘મરમી’)
સુંદર ભાવ સાથેની રચના !
સુંદર ભાવ સાથેની રચના !
સુંદર ભાવ સાથેની રચના !
સરસ
સરસ
સરસ