.
જન્મ્યા છો તો ભલે જનમિયા : મૂગા મરજો
દુનિયાદારીની છે દુનિયા : મૂગા મરજો
.
કાગળ કેરાં ફૂલ ફળે અહીં : મૂગા મરજો
ચેકબુકના દીવા બળે અહીં : મૂગા મરજો
.
કાગળ આખો, માણસ ડૂચા : મૂગા મરજો
અહીં નહીં રુચિ કે ઋચા : મૂગા મરજો
.
ઈંટ અને પથ્થરનો માણસ : મૂગા મરજો
ટ્યુબલાઈટમાં સૂરજ ફાનસ : મૂગા મરજો
.
પ્રેમબેમનું નામ અહીં નહીં : મૂગા મરજો
કામ, કામ, ને કામ રહ્યાં અહીં : મૂગા મરજો
.
( સુરેશ દલાલ )
એ હકીકત છે કે મૂંગા રહેવામાં અનેક ફાયદા છે., સુંદર રચના !
એ હકીકત છે કે મૂંગા રહેવામાં અનેક ફાયદા છે., સુંદર રચના !
એ હકીકત છે કે મૂંગા રહેવામાં અનેક ફાયદા છે., સુંદર રચના !