.
એક સપનું રોજ સાંજે આંખમાં આવી ચડે છે,
ને ભૂલાયેલી દિશામાં સ્મૃતિઓ ટોળે વળે છે.
.
શિલ્પ કોતરવાની ઘટના તો અનુસંધાન કેવળ,
સૌ પ્રથમ તો શિલ્પી એને પોતાના મનમાં ઘડે છે.
.
આપણો વારો હવે આવ્યો જ સમજો એમ ધારી,
બોલવા તૈયાર થઈએ એ ક્ષણે પડદો પડે છે.
.
હોય વીંટી કે પછી તાવિજ કે માળા વગેરે,
જેમની શ્રદ્ધા હો જેવી, એમને એવા ફળે છે.
.
પ્રેમલગ્નોમાં વિકટ જે પ્રશ્ન છે એ કુંડળીનો,
કોઈની એમ જ મળે છે, કોઈ એને મેળવે છે.
.
( હિતેન આનંદપરા )
સુંદર ભાવ સાથેની રચના !
શરદ પૂનમની શીતળ શુભેચ્છાઓ !
સુંદર ભાવ સાથેની રચના !
શરદ પૂનમની શીતળ શુભેચ્છાઓ !