.
થાય, ભાઈ, એવું તો થાય !
આજે ઊગેલા આ શબ્દોનો અર્થ ક્યાંક કાલે સમજાય !
.
ઊછળતા-ઘૂઘવતા દરિયાની હોડમાંય ઊતરતી સગમગતી હોડી !
મનસૂબા મોતીના હોય તોય ખોબામાં આવે છે શંખલા ને કોડી !
.
આપણને મોટા દેખાડવા આપણો જ પડછાયો કેવો લંબાય !
થાય, ભાઈ, એવું તો થાય !
.
માળામાં બેસીને નાનકડી ચકલી પણ ઝાડને જ આપે છે જાસો !
લ્હેરાતા છાંયડાઓ ટોળે વળીને પછી રોજરોજ દેખે તમાશો !
.
ગોફણથી છૂટેલા પથ્થરથી જાણે કે ઊછરતા ટહૂકા વીંધાય !
થાય, ભાઈ, એવું તો થાય !
.
( નીતિન વડગામા )
very nice & mind blowing
very nice & mind blowing
Loud applause 🙂
Loud applause 🙂
ખૂબજ સુંદર અને મનનીય રચના !
ખૂબજ સુંદર અને મનનીય રચના !