ભીતરે ભીનાશ ને ભરચક ઉદાસી આપજે
હો દિવસ લથબથ પરંતુ સાંજ પ્યાસી આપજે.
.
મોસમી હો મોગરો કે ગુલમ્હોર પર્યાપ્ત છે
અન્યને ફૂલો ભલે તું બારમાસી આપજે.
.
મારી સંકુચિત દુનિયાથી યે આગળ છે કશુંક
વિશ્વ ભાળું એટલી ઊંચી અગાસી આપજે.
.
કાં સફરમાં આપ કાયમ મૌનની મીરાત, કાં
શબ્દને સન્માને એવો સહપ્રવાસી આપજે.
.
( ભગવાન થાવરાણી )
સુંદર ગઝલ..બીજો શે’ર વધુ ગમ્યો..
સુંદર ગઝલ..બીજો શે’ર વધુ ગમ્યો..
વાહ…વાહ…વાહ
વાહ…વાહ…વાહ