કોઈ લોલમલોલ તંબૂ તાણવામાં વ્યસ્ત છે
કોઈ ફૂલોની હવેલી બાંધવામાં વ્યસ્ત છે
.
તું ઝરૂખે સાંધ્ય-રંગો આંખમાં ભરતી રહી
ને જગતનું લોક સૂરજ ઠારવામાં વ્યસ્ત છે
.
‘પ’ ઉપરથી પ્રેમનું ઝરણું ન સૂઝે કોઈને
કોઈ ‘પર્વત’, કોઈ ‘પગલું’ ધારવામાં વ્યસ્ત છે
.
દોસ્ત ! તારી આપવીતીનો સમય વીતી ગયો
તાપણાની રાખ સૌ ઉરાડવામાં વ્યસ્ત છે
.
કોણ મારી વ્યસ્તતાઓની ગણતરી દાખવે !
સૌ નરી નવરાશ કેવળ માણવામાં વ્યસ્ત છે
.
( સુરેન્દ્ર કડિયા )
Very Nice.
Very Nice.