એકલતાથી ભરેલો જ્યાં પણ મુકામ આવે,
ત્યાં યાદ આપને પણ મારી સલામ આવે.
.
કોરી કિતાબ ખોલી, આપે લખ્યો હતો જે,
મારો તે ફોન નંબર ક્યારેક કામ આવે.
.
મારીય જેમ તું પણ ચોંકી ઊઠે છે હેં ને !
બસ વાત વાતમાં પણ જો મારું નામ આવે.
.
એ ઇન્તઝારમાં મેં, તોડી નથી તરસ ને,
મારા સુધી તમારી, નજરો ના જામ આવે.
.
પથ્થર રૂપી જીવનથી તેં મુક્ત તો કર્યો તો,
તો ના નજર મને શું ? તારામાં રામ આવે.
.
તે સાથ, તે સફર ને ઇચ્છા મુજબના શ્વાસો,
આવે ફરી જો પાછા, પાછા તમામ આવે.
.
ઇશ્વર તરફનો રસ્તો, મરજી મુજબ હું રાખીશ,
આવે ભલે પૂજારી, ચાહે ઈમામ આવે.
.
( ભાવિન ગોપાની )
मेरे दिल की बेताबियाँ भी लिए जा,
दबे पाँव मुँह फेर कर जाने वाले…!!!
मेरे दिल की बेताबियाँ भी लिए जा,
दबे पाँव मुँह फेर कर जाने वाले…!!!