ઘણી ખમ્મા!-હર્ષા દવે Aug2 શિખર ઉપર દીવો પ્રગટાવનારાને ઘણી ખમ્મા! તળેટીનો ખૂણો અજવાળનારાને ઘણી ખમ્મા! . હલેસા મારવાનાં જોમથી વાકેફ થવાયું છે, મને મઝધાર માં છોડી જનારાને ઘણી ખમ્મા! . પગરખાં પહેરવા મળતા નથી – સંજોગવશ જેને, બધાં એ સ્થિર ડગલાં માંડનારાને ઘણી ખમ્મા! . છતાં કઠપૂતળીને લાગતું કે મુક્ત છે પોતે, ચીવટથી એમ દોરી બાંધનારાને ઘણી ખમ્મા! . હતો વાકેફ તો મારી થનારી હારથી એ પણ, અહો! છેવટ સુધી પડકારનારાને ઘણી ખમ્મા! . ( હર્ષા દવે ) Share this:SharePrintFacebookTwitterWhatsAppEmail