Tag Archive | હઝલ

સોચ થોરામાં ઘનું

વાત બાવાજી કરેચ, સોચ થોરામાં ઘનુ
કોન કોનું થઈ સકેચ, સોચ થોરામાં ઘનું.

આ બઢી માયા-મહોબત લાગની વલગન બધું
પેટનો ખારો ભરેચ? સોચ થોરામાં ઘનું

વેચવા નીકલે તું તારા પ્રેમની સ્તોરી અગર
દોઢિયું બી સું મલેચ? સોચ થોરામાં ઘનું

ફલ સફરજનનું ન તોડ, બાવા આદમને તું પૂછ
કોને ફલિયું કે કૂદેચ, સોચ થોરામાં ઘનું

ફૂંક કેન્ડલને લગાવી જ્યુબિલીને દિન પતિ
આગ દિલની હોલવેચ, સોચ થોરામાં ઘનું

( ડો. રઈશ મનીઆર )

એક સુરતી હઝલ

એક સુરતી હઝલ

( લગ્નોત્સુક યુવકને ચેતવણી )

પન્નીને પહતાય તો કેટો ની

વાહણ જો અથડાય તો કેટોની

અમના તો કેટો છે કે પાંપણ પર ઉંચકી લેમ

પછી માથે ચડી જાય તો કેટો ની

અમના તો પ્યાર જાણે રેહમની ડોરી

એના પર લૂગડાં હૂકવાય તો કેટો ની

એની આંખોના આભમાં પંખીનાં ટોળાં

પછી ડોળા દેખાય તો કેટો ની

હમ, ટુમ ઔર ટન્હાઈ, બધું ઠીક મારા ભાઈ

પછી પોયરાં અડ્ડાય તો કેટો ની

( ડો. રઈશ મનીઆર )

ડો. રઈશ મનીઆર સુરતના પ્રખ્યાત બાળરોગ નિષ્ણાત છે. એમના ગઝલ સંગ્રહો કાફિયાનગર અને શબ્દ મારા સ્વભાવમાં જ નથી પ્રકાશિત થઈ ચૂક્યા છે. તે ઉપરાંત એક હઝલ સંગ્રહ પન્નીને પહતાય તો કેટો ની! પણ પ્રકાશિત થયો છે. ડો. રઈશભાઈને સાંભળવા એ એક લ્હાવો છે. કવિ સંમેલનમાં ઘણી વાર એમને સાંભળવાનો મોકો મને મળ્યો છે. ડો. રઈશભાઈ ગમે તેટલી ગઝલો સંભળાવે તો પણ શ્રોતાઓની એક ફરમાઈશ તો કાયમની હોય જ છે...અને તે ઉપરોક્ત હઝલ સાંભળવાની.

[ ડો. રઈશ મનીઆર, નાગર ફળિયા, પાણીની ભીંત, સુરત-૩૯૫૦૦૩. ]