વાત છે – આદિલ મન્સૂરી

ઘૂઘવતા ઝાંઝવાઓમાં તરવાની વાત છે

માયાને સામે કાંઠે ઉતરવાની વાત છે

સૂરજને પાછો આઈનો ધરવાની વાત છે

ઝળહળતા કોઈ શહેરમાં તરવાની વાત છે

મોતી હો, છીપ હો કે હો પરપોટો છેવટે

ડૂબી જઈને પાછા ઊભરવાની વાત છે

ખોદ્યા કરું છું શબ્દને ઊંડે સુધી સતત

કેવળ સમયનો ખાલીપો ભરવાની વાત છે

વિસ્મય કળીનો આંખ ઉઘાડીને સાંભળે

કે ભર વસંતે ડાળથી ખરવાની વાત છે

ઘરમાં અટૂલા એકલા એકાંતના ખૂણે

બારીથી, બારણાંઓથી ડરવાની વાત છે

આ જીવને શરીરથી છૂટા પડ્યા પછી

અવકાશમાં અનંત વિહરવાની વાત છે

( આદિલ મન્સૂરી )

4 thoughts on “વાત છે – આદિલ મન્સૂરી”

વાત છે, અને સાચી વાત છે.

Reply ↓

વાત છે, અને સાચી વાત છે.

Reply ↓

very much true.
baari thi baarna o thi darwaani waat chhe.
very goo one.
CommentBy:
Chandra.

Reply ↓

very much true.
baari thi baarna o thi darwaani waat chhe.
very goo one.
CommentBy:
Chandra.

Reply ↓

મોરપીંછ