મળવું એટલે… – સોનલ પરીખ

Posted on by

જળની વચ્ચે થળની વચ્ચે

ટળવળતી અટકળની વચ્ચે

હું ને તું તો મળતાં રહેતાં

પ્રેમ ને પ્રેમની પળની વચ્ચે

અંતર વગરના રસ્તા ઉપર

અંત વગરનો સાથ લઈ

દિવસ ભરના થાક પછી તું આવ

મહેકતી રાત થઈ

પરપોટાના પડછાયે ને

સમય સીવે તે સળની વચ્ચે

હું ને તું તો મળતાં રહેતાં

પ્રેમ ને પ્રેમની પળની વચ્ચે

શબ્દ વગર ને સૂર વગર ને

નાદ વગર પણ જે ગૂંજે

એકાન્તોની અવરજવરમાં

મૌન મૌનને કહે તે શું છે?

હોવાની હદ પાર કરી

ખોલે અનહદ તે કળની વચ્ચે

હું ને તું મળતાં રહેતાં

પ્રેમ ને પ્રેમની પળ વચ્ચે

( સોનલ પરીખ )

6 thoughts on “મળવું એટલે… – સોનલ પરીખ”

  3. જળની વચ્ચે થળની વચ્ચે

      ટળવળતી અટકળની વચ્ચે

    હું ને તું તો મળતાં રહેતાં

      પ્રેમ ને પ્રેમની પળની વચ્ચે

    saras!

    Like

    Reply ↓

  4. જળની વચ્ચે થળની વચ્ચે

      ટળવળતી અટકળની વચ્ચે

    હું ને તું તો મળતાં રહેતાં

      પ્રેમ ને પ્રેમની પળની વચ્ચે

    saras!

    Like

    Reply ↓

Leave a reply to RICKY Cancel reply