ઊઘડે છે દ્વાર ભીતર બહાર જોયા કરું!
તેજનો અંબાર અપરંપાર પણ જોયા કરું!
આગળા સહ ભોગળો ને સાંકળો તૂટ્યા કરે,
વા-ઝડીનો વેગ પારાવાર પણ જોયા કરું!
કોણ આવીને ટકોરે બારણાં મધરાતનાં,
ના મળે કો ચિહ્ન કે આધાર પણ જોયા કરું!
વાદળી આકાશમાં સરતી ભલે, વરસી નથી,
ભીતરે વરસાદ અનરાધાર પણ જોયા કરું!
તાલમાં બેતાલ એવા કાફલાની સાથમાં,
ના મળે સંવાદનો વે’વાર પણ જોયા કરું!
થાક્યો નથી પણ થાકવાની વાતથી માહેર છું,
પંથની પાછી ફરે રફતાર પણ જોયા કરું!
તંતને તોડ્યા પછી બસ તાંતણે લટકી રહે,
જિંદગીઓ એ જ છે અણસાર પણ જોયા કરું!
( જગદીશ ભટ્ટ )
Bhitar joya karu ,thakyo nathi pan thak wa ni
waat thi maaher chhu. shun kavita prasut kari
chhe. khubaj sunder.
Comments by :
Chandra.
Bhitar joya karu ,thakyo nathi pan thak wa ni
waat thi maaher chhu. shun kavita prasut kari
chhe. khubaj sunder.
Comments by :
Chandra.