એક પંખી
ઊડીને
જઈ બેઠું
દૂરના એક ઝાડ પર
ને સમજાઈ ગયો મને
આપણો સંબંધ!
કેટલું સ્વાભાવિક હોય છે
એક પંખીનું ઊડી જવું!
એ ન ઊડી જાય
તો જ લાગે નવાઈ.
બસ આટલી જ વાત છે.
આટલી અમથી વાત પર
તું રડે છે?
જો ઊડીને
આવી રહ્યું છે દૂરથી
એક પંખી બીજું
તારી તરફ.
થાય છે હવે તું ખુશ.
બસ આટલી જ વાત છે.
આટલી અમથી વાત પર
હજીય ક્યાંક કોઈક રડે છે….!
( મંગળ રાઠોડ )
Happy New Year.
Happy New Year.
પંખીનું ઉડવું અને સ્વજન કે પ્રેમપાત્રનું જવું – એ એક જ વાત નથી.
એ વાત પર પંખી પણ રડતાં હોય છે.
હા1 અભીગમ બદલી દુખ હળવું જરુર કરી શકીએ.
પંખીનું ઉડવું અને સ્વજન કે પ્રેમપાત્રનું જવું – એ એક જ વાત નથી.
એ વાત પર પંખી પણ રડતાં હોય છે.
હા1 અભીગમ બદલી દુખ હળવું જરુર કરી શકીએ.