દાનમાં દીધાં

Posted on by

ન ખૂલેલાં બારણાંઓ દાનમાં દીધાં

જા તને સંભારણાંઓ દાનમાં દીધાં

.

વાયરાએ પાનખરની હાક પાડી તો

ડાળખીએ પાંદડાંઓ દાનમાં દીધાં

.

કમનસીબી એટલે શું ? એમ પૂછ્યું ત્યાં;

એમણે આ ઝાંઝવાંઓ દાનમાં દીધાં

.

બીજું તો પાસે હતું શું આપવા જેવું

દીકરીએ ડૂસકાંઓ દાનમાં દીધાં

.

જ્યાં જ્યાં મારી વેદના પહોંચી હતી ત્યાં ત્યાં

મેં ગઝલના દીવડાઓ દાનમાં દીધાં

.

( દિનેશ કાનાણી )

10 thoughts on “દાનમાં દીધાં”

  3. બહુ જ સરસ રચના. કવિ તેમજ સંપાદક બંનેને ધન્યવાદ.

    Like

    Reply ↓

  4. બહુ જ સરસ રચના. કવિ તેમજ સંપાદક બંનેને ધન્યવાદ.

    Like

    Reply ↓

Leave a reply to Haresh kanani Cancel reply