ભૂલી ગયો છું તરતાં, દરિયો તરી તરીને;
ચહેરો ભૂલી ગયો છું, દર્પણ ધરી ધરીને.
.
સાકી નથી, ન મયકશ, પ્યાલા હવે નથી એ;
પીતા હતા અમે જે પ્યાલા ભરી ભરીને.
.
થોડાં સવાલ ઉત્તર આપી દીધા અમે પણ;
ડગલું હવે શું ભરવું અમથું ડરી ડરીને ?
.
માનવ થયો છું આખર માનવ બનાવજે તું;
થાકી ગયો છું નવલાં રૂપો ધરી ધરીને.
.
ખીલ્યા પછીનું ખરવું કોણે લખી દીધું છે ?
ફરિયાદ કૈં કરે છે ફૂલો ખરી ખરીને.
.
( આહમદ મકરાણી )
મોરપીંછ 
બહુજ સુંદર
હવે તો ઘાવ ખાઈ ખાઈ ને ચામડીએ રીઢી થઇ ગઈ છે
LikeLike
બહુજ સુંદર
હવે તો ઘાવ ખાઈ ખાઈ ને ચામડીએ રીઢી થઇ ગઈ છે
LikeLike
મિત્રકવિશ્રી,આહમદભાઇની સરસ ગઝલ માણવા મળી.
LikeLike
મિત્રકવિશ્રી,આહમદભાઇની સરસ ગઝલ માણવા મળી.
LikeLike