સફરમાં કોણ કોના પર મૂકે પ્રત્યય ? સમય કહેશે
ને મળશે ક્યાં સુધી, ને કેટલા વ્યત્યય ? સમય કહેશે
.
તમે મદમસ્ત થઈને હાંકતા રહેશો જીવન નૈયા
સમય વિણ કોઈ અહીંયા છે નહીં અક્ષય, સમય કહેશે
.
વિચારોમાં ગરકવાનો કરે છે ડોળ અહીં લોકો
ખરેખર કોણ અહીંયા કેટલું તન્મય, સમય કહેશે
.
સમસ્યાનું નિવારણ ભીતરે શક્ય છે મળવું
તમારી વર્તણૂકનો ક્યાં તૂટે છે લય, સમય કહેશે
.
નજરના વ્યાપને ઘેરી વળ્યા છે કંઈક કૂંડાળાં
પ્રલય થાશે કે મળશે આ ભવે સંજય, સમય કહેશે
.
હ્રદય વિહ્વળ, સ્વજન વિહ્વળ, નગર વિહ્વળ, જગત વિહ્વળ
અકારણ ક્યાં સુધી તોળાઈ રહેશે ભય ? સમય કહેશે
.
( હિમાંશુ પ્રેમ )
nice poem.
nice poem.
સરસા ગઝલ
-અભિનંદન.
સરસા ગઝલ
-અભિનંદન.
સરસ ગઝલ
-અભિનંદન.
સરસ ગઝલ
-અભિનંદન.
ભય? અમે જોડે હોઈએ તો ભય શેનો? બાકી તો – સમય કહેશે…
ભય? અમે જોડે હોઈએ તો ભય શેનો? બાકી તો – સમય કહેશે…