જળમાં ઝૂરે માછલી ને વનમાં ઝૂરે ફૂલ :
ભર વસંતે છાનું ઝૂરે કોયલ ને બુલબુલ
અમારી તે એવી તે કઈ ભૂલ :
તમે તો પાસે તોયે દૂર દૂર ને દૂર…
.
દરિયામાં એક ઝૂરે હોડી અને હલેસાં ઝૂરે :
નાવિકને અહીં આવવાનું કેમ કહો નહીં સ્ફુરે ?
અમારી તે એવી તે કઈ ભૂલ :
તમે તો પાસે તોયે દૂર દૂર ને દૂર…
.
વૃંદાવનમાં ઝૂરે વાંસળી; ઝૂરે મીરાંનું મન :
જે મુખડાની માયા લાગી ક્યાં છે એ મોહન ?
અમારી તે એવી તે કઈ ભૂલ :
તમે તો પાસે તોયે દૂર દૂર ને દૂર…
.
( સુરેશ દલાલ )
હા…પાસ પાસે તો ય કેટલા જોજન…
હા…પાસ પાસે તો ય કેટલા જોજન…