.
અગમનો અર્થ સમજાતાં ઘણીયે વાર લાગે છે.
પરમનું પોત પરખાતાં ઘણીયે વાર લાગે છે.
.
નરી આંખે બધાયે અક્ષરો ના ઊકલે બંધુ
વણલખી વાત વંચાતા ઘણીયે વાર લાગે છે.
.
અચાનક આંગણામાં સાત રંગો સામટા આવે
છતાં નખશિખ રંગાતા ઘણીયે વાર લાગે છે.
.
તિરાડો પાડશે તરત જ તમારાં વેણની ઠોકર,
પછી સંબંધ સંધાતાં ઘણીયે વાર લાગે છે.
.
ખબર છે જૂજવે રૂપે તત્વ તો એક છે તો પણ,
ધજાના ભેદ ભૂંસાતાં ઘણીયે વાર લાગે છે.
.
ઉતાવળ ના કરો ખોટી જરાયે દાદ દેવામાં
ગઝલનો તાગ લેવાતાં ઘણીયે વાર લાગે છે.
.
( નીતિન વડગામા )
સંધાય પણ અને કદાચ ના પણ સંધાય…પ્રેમ જેટલો ખોટનો સંબંધ બીજો એકેય નહિ.
સંધાય પણ અને કદાચ ના પણ સંધાય…પ્રેમ જેટલો ખોટનો સંબંધ બીજો એકેય નહિ.
નીતિનભાઈ ની ગઝલ ના દરેક શેરમાં ખૂબજ સુંદર વાત કહી છે…
નીતિનભાઈ ની ગઝલ ના દરેક શેરમાં ખૂબજ સુંદર વાત કહી છે…