.
ક્યાં સુધી અટકળ ઉપર જીવી શકું ?
તું કહે, એ પળ ઉપર જીવી શકું.
.
સૂર્ય છોને ભાગ્યનો ઊગ્યો નહીં,
આંસુની ઝળહળ ઉપર જીવી શકું.
.
ટેરવામાંથી સતત ટપક્યા કરીશ,
શબ્દ છું ! કાગળ ઉપર જીવી શકું.
.
ચોતરફ વાતાવરણ ભીનું થયે,
જળ બની ખળખળ ઉપર જીવી શકું.
.
છે અજાણી ભોમકા તો શું થયું ?
શક્ય છે અંજળ ઉપર જીવી શકું.
.
( ‘વિવશ’ પરમાર )
સરસ વાત લાવ્યા’વિવશ’…
શબ્દ છું,કાગળ ઉપર જીવી શકું…..વાહ !
સરસ વાત લાવ્યા’વિવશ’…
શબ્દ છું,કાગળ ઉપર જીવી શકું…..વાહ !
very nice rachna..like it
very nice rachna..like it
સુંદર રચના !
સુંદર રચના !