.
વાક્ય, વર્ણન, વ્યાકરણ કંઈ ગોખવું પડતું નથી,
સાચું જે બોલે છે એણે સોચવું પડતું નથી.
.
શાંતિથી રાખી શકે ખુદમાં ધધકતી આગને,
તેજનું વર્તુળ એણે ઓઢવું પડતું નથી.
.
રોશની ચીપકાવી દે ફતવો બધી દીવાલ પર,
સૂર્યની છે ખાસિયત કે બોલવું પડતું નથી.
.
એકદમ સીધી નજર જેવું છે એનું ત્રાજવું,
વાંકી બાબતમાંય નમતું જોખવું પડતું નથી.
.
આ થરકતી પાંખ છે, કોઈ ફરકતો ધ્વજ નથી,
ઉડ્ડયન કાઠી ઉપર જઈ રોકવું પડતું નથી.
.
( હેમેન શાહ )
સુંદર અભિવ્યક્તિ..
સુંદર અભિવ્યક્તિ..
ખૂબજ સુંદર રચના !
ખૂબજ સુંદર રચના !
સરસ રચના
સરસ રચના