શૂન્યતા પડઘાય છે એવી ખબર અફવા હશે;
તો નસેનસમાં છવાયેલું નગર અફવા હશે.
.
વિશ્વ આખાનો જિગરમાં સળવળે છે વસવસો;
રિક્તતાના વ્યાપથી મારું જિગર અફવા હશે.
.
મૌન મલકાતી બધીયે મંઝિલો પડઘાય છે;
ધૂળમાં રઝળી પડી સઘળી ડગર અફવા હશે.
.
લાગણી ને છળ કપટના નામ પર રાવણ બન્યો;
રામ કેરા રાજ્યમાં એની નજર અફવા હશે.
.
સ્પર્શ એનો કોક’દી તારાય મનડાંને થશે;
તેં કદી થોડી ઘણી રાખી સબર અફવા હશે.
.
( સ્પર્શ દેસાઈ )
સુંદર રચના !
સુંદર રચના !