(૧)
અદ્વૈત,
અણુ અને અનંતનું
અન્યોન્યમાં એકરૂપ
એ જ અદ્વૈત
અણુમાં અનંતની પ્રાપ્તિ
અને અસીમે અણુનો લય
એ જ એકત્વ !
આનંદ સાગરની છોળ
આનંદ સાગરે વિલીન
એ જ અદ્વૈત,
સ્વશૂન્ય દીપનો અનંત પ્રકાશ
એ જ અદ્વૈત !
.
તું આનંદ, સ્મિત અમે !
.
(૨)
ચૈતન્ય,
પ્રશાંત ઈન્દ્રિયોની
પીઠીકા ઉપરથી
અનંત સાથેનું ઝળહળા
અનુસંધાન એ જ ચૈતન્ય.
નિ:સ્વાર્થ વૃત્તિઓનું,
વિરાટ વિશ્વરૂપ
એ જ ચૈતન્ય.
સર્વેશ્વરના આયનામાં
સ્વ નિખાર
એ જ ચૈતન્ય !
.
તું ગુંજન, ગીત અમે !
.
( ડો. ભરતભાઈ મિસ્ત્રી )