જબાન દીધી છે-લલિત ત્રિવેદી

Posted on by

કયા તે અમરતે અમને જબાન દીધી છે
કયા પિયાલે કલમને જબાન દીધી છે

શબ્દપરસ્ત ઈસમને જબાન દીધી છે
મેં એના રહમોકરમને જબાન દીધી છે

હે ગેબ! તારા અગમને જબાન દીધી છે
કીડીના નકશેકદમને જબાન દીધી છે

ખુદાની વાત કરું કે હું ખુદની વાત કરું
અગરપરસ્ત કલમને જબાન દીધી છે

ગઝલનુમા કરો છો તરજુમા ઈશારાના
કવિ! તમે તો મભમને જબાન દીધી છે

દીવામાં ઝળહળ્યાં પૂર્યા ઉજાસને બદલે
ગહન ને ગૂઢ જખમને જબાન દીધી છે

ગઝલ લખું છું પગથિયાં ચડું છું એમ હજી
મેં જાતરાના મરમને જબાન દીધી છે

હું ઝીણા ઓટલાની વાત પણ ગઝલમાં કહીશ
હે મીરાંબાઈ! મેં તમને જબાન દીધી છે

( લલિત ત્રિવેદી )

6 thoughts on “જબાન દીધી છે-લલિત ત્રિવેદી”

  3. અભિવ્યક્તિસભર સુંદર ગઝલ.અા ગઝલમાં ઘણું નવું નવું છે.

    Like

    Reply ↓

  4. અભિવ્યક્તિસભર સુંદર ગઝલ.અા ગઝલમાં ઘણું નવું નવું છે.

    Like

    Reply ↓

Leave a reply to kishore modi Cancel reply