એક એવો માનવી સધ્ધર મળે, જેના સરનામે મને ઈશ્વર મળે. . વામણા લોકોની વસ્તીમાં મને, ક્યાંથી મારા માપની ચાદર મળે.  . કોઈની સામે ધરું છું હું આયનો, ને અચાનક સામેથી પથ્થર મળે ! . ચાલને દીવો હવે સળગાવીએ, વાયરાને પણ જરા અવસર મળે.  . જે નગરમાં એ રહે છે ઠાઠથી, એ નગરમાં નાનુંસરખું ઘર મળે.…

મટુકી માયાની તમે ફોડી, મીરાંબાઈ; માખણ ખાધું રે કૃષ્ણ નામનું.  . સાંજ પડે પોટલી લીધી, મંજીરાં ને સાંઢણીને એડીએ ઉપાડી, મૂક્યો મેવાડ એની સાહ્યબીની સાથે ને છોડ્યા એ લોકને અનાડી; કામળી તે કૃષ્ણની ઓઢી, મીરાંબાઈ. . કાયાની કોટડીમાં પૂર્યો કાનુડો ને જાગતી બેઠી છે પોતે બારણે, ચાવીનો ઘા કર્યો છે સતસંગને દરિયે કે હાથે ન…

હે કવિ, ઉઘાડ તારા હૃદયની બંધ બારીઓ વિસ્તરવા દે આકાશની અસ્મિતાને અણુ અણુમાં પ્રગટવા દે શત શત સૂર્યફૂલ પ્રણયના ગીતને ઝૂમવા દે તારા હોઠથી લઈને પગની થિરકન સુધી કે આજે છે નવો ઉઘાડ અવકાશમાં વસંતના આગમનને વહાવી લઈ જવા દે સંચિત વેદનાના સૂકા પર્ણો જો, આનંદના સહસ્ત્રદલ તારી પ્રતિક્ષામાં ગૂંજી રહ્યા છે શંખનાદ નવા યુગનો…

. અપૂર્વ ભાવથી સ્મરણ હું કરું, કૃષ્ણ મારું સંવેદન તમે બનો મુજ મંત્ર, ઊચરું, કૃષ્ણ મારું સંવેદન.  . બનો દ્રષ્ટિનો વિષય તમે ને રહો સ્થિર મુજ ખ્યાલે ભૂલી શકું જે ક્ષણ તમને હું, સદાય મુજને સાલે, અનુનય ભાવે વિનંતી કરું, કૃષ્ણ મારું સંવેદન.  . અધર વાંસળી વહો શ્યામ ને કરો ધામ મુજ શ્રવણે નજર ખૂલે…

ક્યારેક જરૂરી હોય છે હૃદયને હદપાર કરી ત્યાં પથ્થર મૂકવાનું અને પછી જીવવાનું.  . કદાચ એવું પણ બને કે કોઈક આલિંગન ને ચુંબનો વડે એ પથ્થરને કોરવાનો પ્રયત્ન કરે અને ખબર પણ ન પડે એમ ધકેલી દે એને ખીણમાં  . આવું ન બને એ માટે હું શું કરું ? પથ્થરને પણ હદપાર કરું ?  .…

તમે પણ થૈ જશો, મિત્રો! અમર ખુશ્બૂની સોબતમાં શરત એક જ કે જીવો ઉમ્રભર ખુશ્બૂની સોબતમાં  . શમી ગૈ છે બગીચાની ઉંમર ખુશ્બૂની સોબતમાં સફળ થૈ ગૈ પવનની પણ સફર ખુશ્બૂની સોબતમાં . બને કે કળીઓથી પણ ઝીણી ઝીણી પંક્તિઓ ઊઘડે… ગઝલ મારી ય ખીલતી હો અગર ખુશ્બૂની સોબતમાં  . દિવસ ઉદ્યાનમાં ઊગે ને રાત્રિ…

(૧) તડકાના પૂરમાં વગડો બે કાંઠે છલકાતો જાય છે ત્યારથી હું જોઉં છું કેટલી બધી તણાતી જાય છે કેસુડાની અપેક્ષાઓ…  . (૨) ઘાસના ફળિયામાં બેસીને વરસાદી કવિતા લખી રહ્યો છે વાદળ નામનો કવિ…  . (૩) કેટલીક રંગીન માછલીની વેદના મેં છાપી છે દરિયાના કોમ્પ્યુટરમાં…  . (૪) રમઝાન હો કે દિવાળી કેટલીક મસ્ત મિજાજી માછલીઓ ખરીદી-…

નવું બીજું કશું કરવું નથી, ક્ષણનું બટન થઈને સમયના ગાજમાંથી આખરે નીકળી જવું છે બ્હાર મારે, ઘણાય યુગથી ચાલી રહ્યા ઘડિયાળના આ એકચક્રી રાજમાંથી આખરે નીકળી જવું છે બ્હાર મારે.  . મળે ઘટના અગર વહેવા તણી તો દોસ્ત મારે ખૂબ વહેવું છે, નીકળવું છે નયનના બારણેથી આરપારે, અમે આંસુ છીએ, બસ એટલે થીજી જવાના ખોખલા…

(૧) ફૂલનું ખિલવું… ખરવું વચ્ચે મહેકે મહેક જીવનની  . (૨) અવની કે આકાશ ક્યાંય ન દીઠું એકે ફૂલ તોય મન મહેકે-ગહેકે સુવાસથી તરબતર !!  . (૩) રાતે ટમકતા તારા સવારે ક્યાં જતા હશે !? દાદા ? દાદા ઉવાચ : શિશુને મળવા ફૂલ બનીને !  . (૪) રોજેરોજ આથમતો રવિ તારક લિપિમાં SMS-મોકલતો હશે પ્રિય રાત્રિને…