ન એકેય બારી કદી પણ ન વાસી, અમે ચિરએકલપણાના પ્રવાસી. ઉદાસી ફૂલોની મહેંક બારમાસી, અમે ચિરએકલપણાના પ્રવાસી. અમારી જ સાથે થતી મોજ ખાસ્સી, અમે ચિરએકલપણાના પ્રવાસી. અમારી હવેલી અમે એમાં દાસી, અમે ચિરએકલપણાના પ્રવાસી. ઉજાણીમાં કેવળ અમે ને ઉદાસી, અમે ચિરએકલપણાના પ્રવાસી. અગોચર સફર ને અદીઠો ખલાસી, અમે ચિરએકલપણાના પ્રવાસી. અમારી જ ભીતરના કાયમ નિવાસી,…

હું સાદી ભાષામાં તમને કહું ? વરસાદ આવે છે, અદ્દલ વરસાદ જેવો હૂબહૂ વરસાદ આવે છે. બહુ ભારે છે પર્વત, ક્યાં સુધી ટકવાની આ ટચલી સહારો છોડીને ચાલો સહુ, વરસાદ આવે છે. ગગનવાળાની પાસે માંગુ છું એક વાદળું કે જે, વરસતું હોય ને ગાતો રહું, ‘વરસાદ આવે છે.’ સવારી વીજ પર, ઢોલીડા ગર્જન, બારાતી ફોરાં;…

ચલ બાળકની જેમ બધું ઝટ ભૂલી જઈએ, આ હોવું, હોવાની ઝંઝટ ભૂલી જઈએ. સાત ખોટની હોય ભલે રટ ભૂલી જઈએ, આગ એક જે લાગી ઘટઘટ ભૂલી જઈએ. બળમાં છે, છો સૌથી બળકટ ભૂલી જઈએ, ખેલી લઈએ જીવ સટોસટ ભૂલી જઈએ. આંખો, આંગણ, શેરી, પાદર થાક્યા પાક્યા, કોણ કહે કોને? એ આહટ ભૂલી જઈએ. એમ ફ્ક્ત…

‘હે વાદળ ! અલકાપુરીના ઊંચા ઊંચા મહેલો બધી રીતે તમારા જેવા છે. તમારી પાસે વીજળી છે, તો એ મહેલોમાં સ્ત્રીઓ રહે છે. તમારી પાસે ઈન્દ્રધનુષ, છે તો એ મહેલમાં રંગબેરંગી છબીઓ ટીંગાડેલી છે. તમે મીઠા સ્વરથી ગંભીર ગર્જના કરી શકો છો તો મહેલોમાં પણ સંગીતના સમયે મૃદંગ વાગે છે, તમારી અંદર આસમાની રંગનું જળ છે,…

[audio:https://heenaparekh.com/wp-content/uploads/2010/07/10-Track-10.mp3%5D આજે રાતે, ઊંઘમાં પોઢી જતાં પહેલાં મને મારા એ સેંકડો બાંધવો યાદ આવે છે, જેમની આંખમાં ઊંઘ નથી; જિંદગીએ જેમને લોહિયાળ ઘાવ કર્યા છે, સમાજના દ્વેષ અને સંકુચિતતાથી જેમના હ્રદયમાં ચીરા પડ્યા છે, જેમનો તેમનાં પ્રિયજનોએ જ દ્રોહ કર્યો છે, સમગ્ર ચાહનાથી ઈચ્છેલી વસ્તુને પામવામાં જેઓ નિષ્ફળ ગયા છે, જેમના પ્રેમને પ્રતિસાદ મળ્યો નથી,…

મિત્રો, આ પુસ્તક તમે જોયું? વાંચ્યું? અંગદનો પગ-હરેશ ધોળકિયા માત્ર વાંચવા માટે જ નહીં પણ વસાવવા અને વહેંચવા જેવી નવલકથા કચ્છના લોકો માટે શ્રી હરેશભાઈ ધોળકિયાનું નામ અજાણ્યું નથી. ઘણાં વર્ષોથી કચ્છમિત્રમાં એમની “ઘડિક સંગ” નામની કોલમ ચાલે છે. ડો. અબ્દુલ કલામના બે પુસ્તકોનો અને કિરણ બેદી તથા ચેતન ભગતના એક-એક પુસ્તકોનો ગુજરાતીમાં અનુવાદ કરીને…