(૧) તારી પીઠની બરાબર મધ્યમાં ધારદાર ચાકુ પકડીને લંબાવીને ખંજવાળવાના શૌર્યને હવે અટકાવ. ના, મારે એ ખાજખૂજલીનું કાઢવું છે. એ નથી માનતો અને દદડતું લોહી દદડતું દદડતું મારા દિવાસ્વપ્નને રક્તિમ રક્તિમ કરી રહ્યું છે. હાસ્તો ગાઉં છું ઘાયલા કી ગત ઘાયલ જાને ઔર ન જાને કોઈ. દિવાસ્વપ્નની પૂંછડી મેં પકડી લીધી છે ને શ્વસું છું…

(૧) મારા ઘરથી તારા ઘર સુધીના રસ્તા કરતાં તારા ઘરથી મારા ઘરા સુધીનો રસ્તો કેમ વધુ લાંબો હોય છે હંમેશાં ?  . (૨) I miss you, તેં કહ્યું. . ખાલી થઈ ગયેલા ગામની વચ્ચે વરસોથી અપૂજ દેરીમાં કોઈએ દીવો પ્રગટાવ્યો જાણે. . ( સંદીપ ભાટીયા )

લૈ જશે એ તરફ કદમ મારાં, જ્યાં જઈ ભાંગશે ભરમ મારા. . દૂઝતા છો રહે જખમ મારા, એમ ગળશે બધા અહમ મારા ! . તું ઈશારો તો કર સનમ મારા, તોડી આવું બધા જ સમ મારા ! . એક પછી એક છૂટશે કરમ મારાં, બાદ હો શ્વાસ પણ ખતમ મારા ! . આખરી હો ભલેને…

હું મને ઘરમાં ગયો છું શોધવા, છેક અક્ષરમાં ગયો છું શોધવા. . દોસ્ત પરપોટા પડેલા જોઈને, પાણી પથ્થરમાં ગયો છું શોધવા. . એ નદી પાછી વળીને ક્યાં ગઈ ? પગલું સાગરમાં ગયો છું શોધવા. . કેટલા મારગ વળે એની તરફ, વાટ ઈશ્વરમાં ગયો છું શોધવા. . પંખીની પાસે જ આવીને બેસતું, આભ પિંજરમાં ગયો છું…

જે ક્ષણે પીડા ઘરે આવેશમાં આવી, અમને લાગ્યું કે ગઝલ ગણવેશમાં આવી. . કોઈ પણ રીતે ઉદાસી ગાંઠતી ન્હોતી, પડતી મૂકી… તો ખુશીના વેશમાં આવી. . ઝાડ તો ઊગે, જીવે, બોલ્યા વગર તો પણ, વાત એની સંતના ઉપદેશમાં આવી. . જ્યારથી મેં આદતોની વર્તણૂંક બદલી, જે વિનંતીઓ હતી આદેશમાં આવી. . આ ગમા ને અણગમા…

તમારી ગલી પહોંચ્યા પછી – તમારી ગલીમાં ભૂલા પડ્યા, છીએ દેવસ્થાનના આંગણે અને આરતીમાં ભૂલા પડ્યા. . અમે હાથ ફેલાવ્યો હોત તો તમે હાથ ચોક્કસ ઝાલતે, કથા કમનસીબીની ના પૂછો અમે બંદગીમાં ભૂલા પડ્યા. . પહોંચી ગયા છીએ ઘર સુધી અને ઘરનો ઉંબરો ના મળે, કહો કોને કહીએ કરમકથા અમે ઓસરીમાં ભૂલા પડ્યા. . હતી…

મન મળે એવા રિવાજોમાં જઈશ, ફૂલ જેવો થઈ, પહાડોમાં જઈશ ! . સ્થાન મારું જો નથી બીજે કશે-, લાભ-શુભ થઈને કમાડોમાં જઈશ ! . રંગ પુષ્પોનાં હશે ફીકાં અગર, બેધડક, રંગીન પાપોમાં જઈશ ! . દર્પણોની ભીડ જામી છે અહીં, બિંબ ભૂંસી હું ખયાલોમાં જઈશ ! . એ ચહેરો દૂર છે, બહુ દૂર છે; એમના…

(૧) રણ ફેલાતું ફેલાતું ફળિયા સુધી આવી ગયું ને તું હજી તુલસી ક્યારો સીંચે છે ?! . (૨) ચરોતર, હું તારી છાતી પર ઊગેલો તમાકુનો કોઈ છોડ તો નથીને ?! . (૩) આમ તો ખુલ્લા હશે ને આમ મીંચાઈ જશે, ચક્ષુ એનાં એ હશે ને સ્વપ્ન બદલાઈ જશે ! . (૪) આભ ઊંચી જૂની મહલ…

આવ, પાછી આવ તું, દ્રષ્ટિને બદલાવ તું. . સાવ અમથી વાતમાં, ના હવે કર રાવ તું. . થાય પૂરી તો રમત, દે ફરીથી દાવ તું. . પાંપણે અટવાય શું ? સાનમાં સમજાવ તું. . મેહ જેવા નેહને, પૂર્વવત વરસાવ તું. . કૈંક સોલિડ પામવા, જીવને ભરમાવ તું. . ( સોલિડ મહેતા )

ખૂબ કસોટી રસ્તે કીધી, ડગલે-ડગલે ઠોકર દીધી. . હોઠો આડું-અવળું બોલે, વાત કરે છે આંખો સીધી. . છાના-માના સજદા કીધા, ખુલ્લંખુલ્લા મદિરા પીધી. . મંઝિલ જાતે શોધી લેશું, સાચો રસ્તો તું દે ચીંધી ! . ‘રાજ’ હૃદય છે બાળક જેવું, ક્યાંથી મૂકે એ હઠ લીધી ! . ( રાજ લખતરવી )