આપણે જ આપણું મનગમતું નામ કદી હોઠ લગી આવવા ના દીધું આપણે જ પાણીના પરપોટે સંબંધો બાંધવાનું કામ લઈ લીધું  . ઉછળતી કૂદતી એ લાગણીઓ પોતાની દરિયામાં ઊંડે જઈ જોડતી સંબંધો રાખવા તો માછલીની જેમ એ પાણી ને કોઈ દિ’ના છોડતી  . વાર્તામાં હુંય છું ને વાર્તામાં તુંય છે ને મળવાનું તોય નહિ સીધું ?…

બાલ્કનીના હીંચકા ઉપર ઝુલતો પવન મારી સાથે ભેદપરાયણ હોવાની ફરિયાદ કરે છે…! કોણ કોની ધારણા છે ? હીંચકો, હું કે પવન…?! ઝાકળની દાઝે ચઢેલ ધૂળ-ઢેફાંનાં રજકણો અણુ તો બોમ્બ થઈ ફાટવાને…! ધૂળભેળો-ફૂલભેળો-પંખીભેળો સાંજના સમયે આજ હીંચકે ઝુલતી બા, રાહ જોતી… જોતજોતામાં ઘરના ખૂણે ડુંગરો થઈ જતાં દફતરો…! એ જ ચડ્ડી અને એ જ થીંગડું કૈં…

ખોવાયેલું હજીયે, પાછું મળી જશે, પણ… આડા હાથે મુકાયેલી, મારી થોડી લાગણીઓમાં… કદાચ હજી એ જ ભીનાશ મળી જાય ‘તો’ જોને જરા !…  . ( પારસ હેમાણી )

(૧) મૃત્યુ એટલે… તમે આંખ બંધ કરી દો અને પછી ખોલવાની નહિ અથવા તમારી આંખ ખુલ્લી હોય અને કોઈ ધીમે રહીને બંધ કરી દે  . (૨) રોજ સવારે, બપોરે અને રાત્રિએ એલ્યુમિનિયમના કવરમાંથી થોડી ગોળીઓ બહાર કાઢું છું અને ગળી જાઉં છું, ગોળીઓ ખલાસ થાય તો બીજી લઈ આવું છું, પણ તે દરેક ગોળી સાથે…

કેવી રીતે કહીએ ? દર્દ ઉછીનાં લઈને કેવળ મૂંગામંતર ફરીએ કેવી રીતે કહીએ ?  . ખુદનો પ્હાણો ખુદના પગ ખુદની પીઠે વાર; પડતા હોઈએ એ જ વેળાએ પડતો કેવો માર ! થાકી પાકી સાંજે પાછા સૂરજની જેમ ઢળીએ. કેવી રીતે કહીએ ?  . પગ વાળી ના બેસે ઈચ્છા મન ઉડાઉડ કરતું; વીણી વીણી દુ:ખના સિક્કા…

જિંદગીમાં જે ગમે, એ મળે એવું નથી, સ્વપ્ન જોયું રાતમાં, એ ફળે એવું નથી.  . તું પરાઈ પીડને જાણવા તત્પર નથી, કોઈ તારી લાગણી, ને કળે એવું નથી.  . આ નગરમાં ચોતરફ માણસો ઘર બાંધતાં, પાદરે આજે નદી, ખળખળે એવું નથી.  . આ સફર જો આદરી, અડચણો આવે ઘણી, આંખ મીંચી ખોલતાં, એ ટળે એવું…

ગીત જડ્યાં તે ગાયાં ને ? બસ, કવિ થવાની જરૂર શું છે ? ભલે થયું; અજવાળું થ્યું ને ? છળી પડ્યાની જરૂર શું છે ?  . નભ વરસ્યું ને નાહ્યા એની મોજ મળી તે માણો ભીનાં થયાનાં અવસર છે તે જ્ઞાન સમૂળુ છાંડો જાત તો જેવી ને તેવી છે નવી કર્યાની જરૂર શું છે ?…

સાંજ થવા આવી છે અને હજી સીમમાંથી ધણ પાછાં ફર્યાં નથી પાદરે ગોરજ છવાઈ નથી મંદિરે નગારે દાંડી પીટાઈ નથી. તો, સૂર્યાસ્ત નહીં જ થયો હોય શું ? ચક્રવાકને સૂર્યાસ્ત ક્યારે જણાય છે ? ના, ના; પંખી વગરનું થઈ ગયું છે આકાશ નાખી નજર પહોંચે ત્યાં સુધી સૂર્ય ક્યાંય જણાતો નથી. ગોરજ વગર આરતી વગર…

નીચા દરવાજાની મજબૂરી નિભાવી લઈએ, એવું ઘર હો તો જરા માથું નમાવી લઈએ.  . પાંદડાં તૂટે ને કરગરવું પડે તે કરતાં, ચાલ રિસાયેલી મોસમને મનાવી લઈએ.  . ક્યાંક આંખોથી, ગઝલથી કે મુસ્કુરાહટથી, કોઈ પણ રીતે અમે કામો કઢાવી લઈએ.  . એક આંસુનું વજન ટેરવું ઝીલે તો પછી, આપણે ખોબામાં પરવતને ઉઠાવી લઈએ.  . ભાગ્યરેખાની જરા…

કોઈના સૂરજને કાં ઝાંખો કરો, પોતપોતાના ઘરે દીવો કરો.  . પગ સલામત છે, ફક્ત ઊભો કરો ચાલવા મંડી જશે ટેકો કરો.  . જે કશું ખૂટતું હશે, સરભર થશે, પગ તમે ચાદર મુજબ લાંબા કરો.  . આગ તો છે અર્થની તાસીરમાં, શબ્દ ફાવે તેટલો ઠંડો કરો.  . સાંજ લગ આકાશગંગા થઈ જશે, ભીંત પર ખાલી તમે…