ઉઝરડાના ઘરમાં

ન જાણે હું આવ્યો છું કેવી સફરમાં !
ઉતારો મળ્યો છે ઉઝરડાના ઘરમાં !

પણે એક અધખૂલ્લી બારી મહીંથી,
નવો એક રસ્તો પડે છે નગરમાં.

અકારણ ઉતાવળ કરી છે મરણમાં,
હજી ‘કામ ચાલુ છે’ મારી કબરમાં.

ઉપર એના હસ્તાક્ષરોમાં લખ્યું’તું
પ્રિયે ! આજ સઘળું મૂકું છું કવરમાં.

મને પ્રશ્ન એવો પુછાવે છે મિત્રો,
તું લખતો થયો ‘પ્રેમ’ કોની અસરમાં?

( જિગર જોષી ‘પ્રેમ’ )

3 thoughts on “ઉઝરડાના ઘરમાં”

અકારણ ઉતાવળ કરી છે મરણમાં,
હજી ‘કામ ચાલુ છે’ મારી કબરમાં.

all she’rs are nice .This one is best.

Sapana

khub sundar panktio

WAHH…kahevupade tamaraa vicharo ne ……….bahu j gamyu ………….reallly great creation

मोरपींछ